＊＊＊
阿潘教授你講嘢一舊舊咁，做你學生真係慘！
＊＊＊
魔術師不同意樓市可以用demand and supply curve去解釋。因為嚴格來說每個單位都是「唯一」（unique）的，所以「每單位」的supply亦只會等於一。即使相同屋苑、同一幢大廈、同一個方向、層數接近、面積相似的單位可以亙相代替（substitute），但亦不可一概而論，例如上一層叫八十八樓，下一層叫三十九樓，兩者的售價便可以相差很遠。
再說，假如樓市可以用demand and supply curve解釋的話，那麼消費者對中環$5,000一尺的單位（可能「蚊茲」咁細的單幢式住宅）和天水圍$5,000一尺的單位（可能面積較大兼有豪華會所）的「喜好」應該是一樣的（indifferent）。再睇返我地醫生律師準夫婦個「畸士」，魔術師不會認為佢地會對以上兩者是indifferent的嘍！
＊＊＊
所以話，「有幾多萬個空置單位」並無意義，因為我地呢班日日呱呱叫話買唔到樓嘅刁民係唔會考慮呢啲「空置單位」的！
亦即是，在這些「無殼蝸牛」心目中，「空置單位」數目永遠都是零！
＊＊＊
政府最緊要係能令市民居者有其屋，而唔係要保證人人有樓買喎！況且，「無殼蝸牛」要的，不只是「買到樓」，更重要的潛台詞是「買咗樓之後，政府要保證佢升」。
唔信的話，諗返所謂「負資產苦業主」講過啲乜就知。
＊＊＊
如果話「呱呱叫話買唔到樓」嘅人係刁民嘅話，咁嗰啲一見到人地一手樓賣幾多幾多天價便「封盤」的二手樓業主就正正是「刁刁民」。其「刁」在於其見風轉舵的貪婪態度，學李教授話齋，「拍賣的心態很重」。
貪心本來無罪，但係「封盤」托價，直至有價無市為止，實乃扭曲市場的幫兇也。
＊＊＊
魔術師諗極都唔明，點解一定要買樓？買（供）唔起貴嘅，咪買平嘅囉！平嘅樓，就一定離市區遠啲架喇！咁都接受唔到，好難做人架喎！
＊＊＊
魔術師聽講話有人買樓一定要買一手樓，咁又好想問吓呢位仁兄（姐），佢搵女（男）朋友係咪一定要處女（男）？
2009/11/03 22:27:11
